Andaina 2008-2009

REMATAMOS!!

2009-06-18T16:13:00.002+01:00

DESPOIS DESTE LONGO CURSO, O PRÓXIMO DÍA 22 REMATAMOS ESTA ANDAINA.
NESTE ÚLTIMO MES E MEDIO TIVEMOS VARIOS PROBLEMAS TÉCNICOS QUE NOS IMPEDIRON ACTUALIZAR O NOSO BLOG, SENTIMOLO MOITO....
PERO NA AULA SEGUIMOS TRABALLANDO:
- REMATAMOS O TRABALLO DO UNIVERSO E DOS VERMES DE SEDA
- CELEBRAMOS O DÍA DAS LETRAS GALEGAS
- FOMOS O CORRELINGUA E A BIBLIOTECA DO CONCELLO
- VIMOS UNHA OBRA DE TEATRO EN PONTEVEDRA E OUTRA NO COLEXIO
- ... E MOITAS COUSAS MÁIS

AGORA QUE REMATAMOS XA SABEMOS LER E ESCRIBIR!!!!!!!!

CANTAMOS O MAIO!!

2009-05-01T17:50:00.003+01:00

DESPOIS DE VARIOS DIAS DE DURO TRABALLO CANTAMOS O MAIO NO PATIO DO COLEXIO XUNTO CON OUTROS COMPAÑEIROS E COMPAÑEIRAS! QUEDOUNOS BEN CHUSQUIÑO!!

E O REMATAR LEVÁRONNOS OS MAIOS PARA A PRAZA DO CONCELLO!!

ATA O ANO QUE VEN, QUE SE VOLVAN FACER!!

APÍPOLIS!!

2009-05-01T17:25:00.012+01:00

QUE BEN O PASAMOS NA EXCURSIÓN!
ENTRE OUTRAS COUSAS:

ENVASAMOS MEL!

FIXEMOS GALLETAS E VELAS

E VESTÍMONOS DE APICULTORAS E APICULTORES,

TEMOS UNHA CASA NOVA!!

2009-04-24T13:20:00.003+01:00

FIXEMOS UNHA CASA DUNHA CAIXA DE CARTÓN CA QUE NOS DIVERTIMOS MOITO!!

IMOS DE EXCURSIÓN!!

2009-04-24T13:11:00.004+01:00

O PRÓXIMO DÍA 29 DE ABRIL IREMOS DE EXCURSIÓN A APÍPOLIS UN CENTRO ONDE NOS ENSINARÁN A RELACIÓN QUE TEÑEN AS ABELLAS CO SER HUMANO E DEDUCIR A IMPORTANCIA QUE TEÑEN TÓDOLOS SERES VIVOS, INCLUIDOS OS MÁIS PEQUENOS, NA CONSERVACIÓN DO MEDIO TAL E COMO ESTÁ NA ACTUALIDADE

DÍA DO LIBRO

2009-04-24T13:02:00.002+01:00

POR QUÉ SE CELEBRA O DÍA 23 DE ABRIL??
A primeira celebración do Día Mundial do Libro tivo lugar o 23 de abril de 1995.
A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616 no calendario gregoriano) se correspondía coa data do aniversario do nacemento e morte de William Shakespeare (no calendario xuliano).

NÓS ESTE ANO, FIXEMOS UN MARCAPÁXINAS E INVENTAMOS 3 CONTOS!!

PROXIMO EVENTO NO CPI "SANTA LUCÍA"

2009-03-29T12:19:00.002+01:00

DENDE O EQUIPO DE EDUCACIÓN FÍSICA PROPÚXOSE DISPUTAR UNS PARTIDOS ENTRE PROFESORADO E ALUMNADO, ASÍQUE O DÍA 3 DE ABRIL, ESTAREMOS TODAS E TODAS ANIMANDO O NOSO EQUIPO!!

E CHEGOU REX!!

2009-03-22T11:49:00.002Z

DESPOIS DA FEIRA DO QUEIXO DE ARZÚA, CHEGOU A MORAÑA A NOSA NOVA MASCOTA.
CHÁMASE REX!!
XA ESTÁ TOTALMENTE INTEGRADO NA AULA, E ESTAMOS COIDÁNDOO MOI BEN.
E XA SE FIXO AMIGO DE PACO!!!

SEMANA DA PRENSA

2009-03-22T11:28:00.003Z

ENTRE 9 Ó 13 DE MARZO, NO COLE CELEBRAMOS O SEMANA DA PRENSA.
LEMOS MOITOS XORNAIS...
AGORA SABEMOS QUE EXISTEN VARIOS TIPOS DE DIARIOS.
DESCUBRIMOS QUE EN TÓDALAS PÁXINAS APARECE A DATA, TAL COMO A ESCRIBIMOS NÓS NO ENCERADO!!!!
LEMOS AS DIFERENTES SECCIÓNS DAS QUE SE COMPÓN CADA XORNAL: SUCESOS, GALICIA, ESPAÑA, MUNDO, DEPORTES, PUBLICIDADE, TELEVISIÓN, SOCIEDADE E CULTURA, PASATEMPOS...
E CON TODA ESA INFORMACIÓN ELABORAMOS O NOSO XORNAL. QUE AGORA FORMA PARTE DOUTRO MÁIS GRANDE, NO QUE COLABORAN OS NOSOS COMPAÑEIROS E COMPAÑEIRAS DE INFANTIL E OS DE 1ºA DE PRIMARIA.

FELICIDADES PAPÁS!

2009-03-22T11:18:00.003Z

TODAS E TODOS DESEXÁMOLLE ÓS NOSOS PAPÁS MOITAS FELICIDADES NO SEU DÍA, E PARA ISO FIXÉMOSLLE CON MOITO AGARIMO UN PRESENTE. ESPERAMOS QUE VOS GUSTASE! CON ÉL QUEREMOS DECIRVOS QUE VOS QUEREMOS MOITO.

QUE ESTAMOS FACENDO AGORA??

2009-03-13T13:12:00.003Z

ESTAS SEMANAS TEMOS MOITO TRABALLO.
ESTAMOS ESTUDANDO O UNIVERSO
TODA A SEMANA DEDICÁMOLA Á PRENSA E XOGAMOS A SER XORNALISTAS POR UN DÍA
ADEMAIS ESTAMOS INTERESÁNDOS POR MOITOS TEMAS, TEMOS GANAS DE APRENDER MOITÍSIMAS COUSAS.

CHEGOU O ANTROIDO A MORAÑA!

2009-02-16T17:29:00.001Z

XA CHEGOU O ANTROIDÓN
CUN GRAN NOTICIÓN!
CADA DÍA DA SEMANA...
CUNHA COUSA PREPARADA!
LUNS 16: Unha garabata ben "Ghuapa".
MARTES 17: Unha perruca ben cuca.
MÉRCORES 18: Un mandil de cores mil.
XOVES 19: Colares a mares.
VENRES 20: Festa e disfraz no cole!
BO ENTROIDO!!

PREPARANDO O ENTROIDO!!

2009-02-12T11:20:00.003Z

VIVA O ENTROIDO DE GALICIA!!
OS NENOS E NENAS DE 6º DE EDUCACIÓN INFANTIL DE MORAÑA ESTÁN FACENDO OS SEUS DISFRACES CON MOITO ESMERO PARA LUCILOS O VENRES DÍA 20 DE FEBREIRO. XA VOS ENSINAREMOS O CHULOS QUE LLES QUEDARON...

MOITAS GRAZAS NENAS E NENOS!!

2009-02-01T19:24:00.001Z

ALTAS E BAIXAS!!

2009-02-01T19:21:00.002Z

ESTE MES DE XANEIRO ESTIVO CHEO DE INCIDENCIAS:
1º A PROFE CAEU E ESTÁ EN REPOUCO
2º YAIZA TAMÉN ESTÁ NO HOSPITAL

MENOS MAL QUE XA SE VAN INCORPORANDO OS QUE FALTABAN:
BENVIDO RUBEN!!

A MELLORARSE!!

2009-01-19T17:34:00.003Z

RUBÉN ESTÁ ENFERMO, E DESDE AQUÍ TODAS E TODOS DESEXÁMOSLLE QUE SE SANE E VOLVA PRONTO!!!

Ano Internacional de Astronomía

2009-01-19T17:29:00.003Z

Como é o ano da astronomía, nós imos estudar isto no cole.

Xa comezamos a buscar información...
A ver que nos sae.

FELIZ ANO 2009!!!

2009-01-04T19:56:00.003Z

ESTAMOS NO NADAL

2008-12-07T10:56:00.002Z

XA COMEZAMOS A ESTUDAR O NADAL.
E ESTE ANO DECIDIMOS ESTUDAR COMO SE CELEBRAN ESTAS DATAS NOUTROS LUGARES DO MUNDO.
XA SABEMOS COMO SE CELEBRAN EN:

RUSIA
TEÑEN DÚAS FIGURAS IMPORTANTES: Ded Moroz (Papa Noel) que se traduce como "Abuelo Frío" E A SÚA NETA Snegurochka (Nievecita).

DURANTE ESTAS DATAS COMEN: MANDARINAS, CARNE, ENSALADAS...
E BEBEN VODKA E CHAMPÁN.

COLOMBIA
ADORNAN AS CASAS CON GUIRNALDAS, ABETOS E PESEBRES.

NON TEÑEN A PAPÁ NOEL. OS REGALOS ÓS NENOS E NENAS APARECEN O DÍA 25 DIANTE DO PESEBRE, E SON PRESENTES QUE DEIXA O "NIÑO DIOS"

NAS FESTAS BEBEN AGUARDIENTE E RON E BAILAN MERENGUE, SALSA, VALLENATO...

O DÍA 31 FAN UN BONECO CON ROUPA VELLA RECHEO DE "GUASCA" DE PLÁTANO E MATERIAL INFLAMABLE. ESTE BONCO QUEIMANO PARA TER SORTE DURANTO O NOVO ANO

MAXIA!!

2008-11-16T18:35:00.003Z

EXCURSIÓN A CASTROLANDÍN!

2008-11-09T16:35:00.003Z

ESTE ANO XA FIXEMOS A NOSA PRIMEIRA EXCURSIÓN!
FOMOS VISITAR UN CASTRO NO MONTE DE CUNTIS.
GUSTOUNOS E APRENDEMOS MOITAS MOITAS COUSAS.

SAMAÍN

2008-11-09T16:28:00.003Z

O DÍA 31 DE OUTUBRO FOI A NOITE MEIGA,
NÓS NO COLEXIO TAMÉN O CELEBRAMOS
HOUBO UNHA EXPOSICIÓN DE CABAZAS E CONTARONSE CONTOS DE MEDO!!!!!!!

PERO, QUE SE CELEBRA NO SAMAÍN??

A noite do 31 de outubro comeza o ano novo celta e a súa festa en honor dos defuntos, marcando a transición do outono ó inverno, nesta noite, un pobo con fondas crenzas relixiosas relacionadas coa inmortalidade da alma, provintes da noite dos tempos, cunha preocupación natural polos queridos defuntos expostos ao frío e á escuridade do inverno, á intemperie e á tristura dos camposantos, buscou, e encontrou un mecanismo de reparación: preparando alimentos e agasallos os parentes vivos, para os parentes mortos, sería posible que as ánimas dos parentes finados voltasen a visitar ás súas familias e ás súas vellas casas para comer nas mesas e para quentarse ao carón do lume da lareira.
Polo SAMAÍN era costume baleirar nabos de grande tamaño –posteriormente cabazas- para porlles dentro candeas. Varios séculos despois esta tradición –que se mantén aínda en Galicia- ten continuidade nas festas de Halloween, que poderían ter exportado aos Estados Unidos os irlandeses no século XIX e comezos do XX.

ANIVERSARIOS

2008-10-19T13:27:00.001+01:00

XA TIVEMOS VARIOS ANIVERSARIOS
ESTE É O DE DIEGO DIZ

ESTA É UXÍA

2008-10-19T13:17:00.004+01:00

ESTE MES COMEZOU A TRABALLAR NA AULA UXIA.
OUTRA PROFE!!!

E VAI ESTAR CON NÓS ATA FEBREIRO

BENVIDA!!!

A FAMILIA!

2008-10-15T15:46:00.001+01:00

Hoxe comezamos a facer un libro novo, onde iremos escribindo páxinas sobre a xente que máis queremos e que máis nos quere.
a ver como nos saen!!!!

E comezamos a traballar!!

2008-10-15T15:42:00.003+01:00

e con esas ganas tolas de traballar, comezamos o curso.
Despois de que Rubén vise a balea que chegou ó porto de Marín, decidimos estudar este gran animal.
e niso estamos.

Pedimos a colaboración das familias para recopilar información,
mandáronnos moitísima información, que agora estamos estudando parte a parte.

Ademáis empezamos a buscar lugares do mundo interesantes, con monumentos, espazos naturais... que xa vimos ou que viron amigas e amigos nosos.

ESTES SOMOS NÓS!!1

2008-09-30T11:48:00.003+01:00

Estes somos os nenos e nenas de 5 anos do CPI Santa Lucía

Vedes que caras de traballadoras e traballadores temos??
imos facer moitas cousas.
de momento xa empezamos a estudar letras, números, lugares do mundo e baleas.

ESTA É A NOVA AULA

2008-09-30T11:38:00.003+01:00

NOVO CURSO, NOVA AULA, NOVAS NENAS E NENOS

2008-09-28T16:53:00.003+01:00

Preparados, listos, XA!
Comezou un novo curso, e xa todo está preparado!!
Este é o blog de 6º de Educación Infantil do CPI Santa Lucía de Moraña.
Hai novos nenos e nenas, e tamén unha aula nova.
xa vos iremos ensinando as nosas cousiñas.

Dámosvos a BENVIDA a todos e todas

Fin de curso!

2008-06-22T10:41:00.002+01:00

Onte rematamos o curso!!
Despois de dúas semanas frenéticas nas que tivemos que traballar arreo para encadernar todo o material que fixemos, facer as nosas manualidades, recoller a cosecha do invernadoiro... pois onte collemos as merecidas vacacións.
Esperamos que todas e todos teñades un moi bo verán!!

De excursión ó Zoo!!

2008-06-06T23:25:00.002+01:00

Ganamos!!!

2008-05-16T22:56:00.002+01:00

Ganamos o 1º Premio do concurso ó que nos presentamos!!
Mañá as 20.30 na Casa de Cultura de Moraña entregarannos o premio.
vémonos alí

O maio

2008-05-11T11:39:00.007+01:00

Na semana pasada tamén celebramos o día dos maios no CPI
Santa Lucía de Moraña
e os nenos e nenas de E. Infantil e E. Primaria fixemos este bonito Maio

Libro do lobo

2008-05-11T11:28:00.000+01:00

Presentámonos a un premio!!

2008-05-10T18:56:00.002+01:00

En moraña por mor da celebración das Letras Galegas do ano 2007, hai unha asociación que organizou un concurso literario de "Contos de Lareira." e xa van polo 5º ano...

nós falámolo, entón decidimos inventar un conto entre todos, facer as ilustracións, escribilo no ordenador, facerlle unha portada e presentalo.

A ver se temos sorte, porque nos quedou moi chulo, titúlase: "Pita, Pito e Pachá"

OS amigos de Casaio!

2008-05-10T18:41:00.003+01:00

Hai uns días tivemos unha sorpresa.

chegounos unha segunda carta duns amigos que temos nun colexio en Casaio de Valdeorras

Contábannnos moitas cousas, mandáronnos fotos da súa vila, e viase neve!! e como alí hai moita pizarra, mandáronnos uns cachiños para que nós a puideramos coñecer. moitas grazas amigos

En seguida comezamos a contestarlle, esperamos que lles guste todo o que lle mandamos

Vermes de Seda

2008-05-10T18:31:00.005+01:00

Na aula tamén temos uns vermes de seda.

de momento so os temos na caixiña, e pronto empezaremos a estudalos en profundidade!!

Xa sabemos que so comen follas de moreira, e se son "tiernas" moito mellor!

Pachá e o seu irmán!!

2008-05-10T18:18:00.001+01:00

Un dos compañeiros da nosa aula trouxonos á aula 2 Hamsters.

e agora estamos estudando todo o referente a estas mascotas:

fixemos o mesmo que fixeramos co estudo do Lobo

asíque por fases:

1º puxemos o que sabemos

2º escribimos o que queriamos buscar

3º pedimos axuda ás familias na busca de información

4º buscamos nós información na biblioteca do centro

5º estamos traballando toda esa información.

Probamos as nosas leitugas!!

2008-05-10T18:04:00.004+01:00

Esta semana por fin recollemos os primeiros froitos do noso traballo no invernadoiro: COLLEMOS AS PRIMEIRAS LEITUGAS!!!

o resto das nosas plantas esstán medrando moito co noso coidado, temos amorodos "brancos"so lles queda madurar e xa as poderemos comer, as xudías xa suben pola rede moi lixeiras, as tomateiras e as pementeiras teñen flor e os guisantes seguen medrando (pero ainda non vemos flores nin froitos, so medran!!)

Temos un novo compañeiro!!

2008-04-13T22:28:00.004+01:00

Nesta semana incorporouse a nosa aula un novo neno. Ven de Marrocos.

Como non sabiamos donde estaba ese país tivemos que buscalo, e sabedes onde decidimos buscar?

nuns libros de mapas.

Agora sabemos que está no norte de África

Cando chegou o neno preguntamoslle como se chamaba.

pois chámase Oussama

miramos as letras que leva, escribímolo con plastelina, enseñamosllo.

tamén lle ensinamos a aula, os recunchos, onde gardamos o material, o seu percheiro e casilleiro. puxemos o seu nome xunto cos nosos na lista da aula e nos aniversarios.

aínda non nos entendemos ben! pero xa nos entenderemos

Como está o noso invernadoiro???

2008-04-13T19:29:00.005+01:00

Día tras día, e grazas ó mimo co que estamos coidando o noso invernadoiro este vai enchéndose de máis e máis plantas.

Repasamos o que temos: leitugas, fresas, guisantes, cenorias, espinacas, xudias, pementos, tomates, melóns e sandías

As leitugas é o que se ve máis bonito, pronto poderemos comelas!!!

As fresas xa están botando flores, asique tamen en breve poderemos probalas!!!

Como temos un terreo moi grande á hora de regar facíasenos moito

decidimos comprar un aspersor para regar, porque a nós non nos daba tempo de regar todo, agora é moito máis sinxelo.

Ademais temos que sacar herbas para mantelas coidadiñas

isto ás veces é o que máis nós gusta, porque se as sacamos temos que plantar outras cousiñas que xa nos sairon das bandexas, como leitugas, guisantes e xudias:

O venres xa levamos unhas plantas de leitugas para a nosa casa, agora temos que facernos responsables delas e regalas: un dia si e un dia non.

Xa chegou a primavera!!

2008-04-13T19:23:00.003+01:00

A pesar deste cambio climático que estamos vivindo ó colexio de Moraña xa chegou a primavera. Xa temos flores nas nosas árbores!!!

Saimos unha mañá ó patio e puidemos comprobar como todas as árbores estaban brotando, e algunhas xa teñen flor!!

Falamos dos cambios que se estaban producindo nas plantas, nos animais, no noso estio de vestir... A verdade é que sabemos moitas cousas!!

VOLTA Ó COLE!

2008-03-31T10:49:00.002+01:00

Xa pasamos unha semana no cole despois duns días de vacacións....
A volta foi levadeira, pero cun pequeno contratempo.
Cando chegamos o martes, e fomos ver o noso invernadoiro, vimos que entraron nel e nos destrozaron parte do noso traballo: tiráronnos bandexas con sementes, quitaron a manta das fresas, arrancaronnos algunhas plantas...
ese dia marchamos todas e todos un pouco desgustados para a casa. O venres xa amañamos todo e volvemos ter a nosa horta en orde!

Que fixemos o día da muller traballadora?

2008-03-18T15:30:00.004Z

Como o día 8 de marzo era o dia internacional da muller traballadora, nós no cole, falamos moito sobre os traballos das nosas mamás. e démonos conta de todo o que fan nun día, escribimos todo, e se nós fixeramos a metade acabariamos máis cansas e cansos....

entre outras cousas as nosas mamás fan desde que se levantas:

(Algúns comentarios dos nenos e nenas)

- A miña mamá traballa nunha fábrica de cortinas
- A miña nunha oficina
- A miña non traballar
- Como que non traballa??
- So está na casa.
- E na casa as mamás non traballan?
- SIIIIIIII!!!!
- E as mamás que traballan fóra da casa, ó chegar séntanse no sofá?
- NON!!
- Vamos facer unha lista con cousas que fan as mamás:
- fai as camas
- quenta o leite
- vísteme
- profe eu xa me visto so.
- eu tamén
- e eu!...
- tamén me fai a merenda
- vai ó traballo
- vai buscarnos ó cole
- frega os cacharros
- duchame
- fai a cea
- contame un conto...

e moitas cousas máis.

entón dedicámoslle un precioso cadro, onde a debuxamos no seu traballo

Ademais, veu unha chica para facer un obradoiro de igualdade.

entón o xoves día 13, veu a chica, contounos un conto que se titulaba: "Caperucito Rojo" e o de "A familia Porcón"

logo tivemos que facer unhas actividades gráficas.

Ah!! tamén nos regalaron un lapis e 2 caramelos
e comprometémonos a axudar máis na casa as nosas mamás.

Como vai a nosa horta??

2008-03-18T15:15:00.006Z

Con moito traballo, a nosa horta vai medrando. Cada día a plantación crece sen dificultade, e tamén imos plantando e sementando novos vexetais.

Así, coa axuda das nenas e nenos de 5º de primaria, temos plantado: leitugas, de 2 variedades, fresas, guisantes, cenorias, espinacas, tomates, melón, sandía, fabas e pepinos.

aí poñemos unhas fotos para ver todo o q fixemos e o que nos foron medrando as plantas

REMATAMOS O PROXECTO DO LOBO!

2008-03-09T11:51:00.004Z

O Xoves, rematos o proxecto do lobo e levamos para a casa un libro que fomos facendo en todos estes días.

quedounos moi chulo

Dentro temos un índice, e despois moitas páxinas nas que traballamos a información q trouxemos, aprendemos o nome científico, o seu hábitat, o modo de vida....

Como nos resultou tan ben esta experiencia, xa estamos pensando noutro tema para empezar a traballar á volta das vacacións.

TEMOS UNHA HORTA NA ESCOLA!!

2008-03-05T15:50:00.002Z

Hoxe comezamos unha nova experiencia, coa axuda do director do centro puxemos en funcionamento un invernadoiro que había no centro e nonfuncionaba.
Viñemos da casa preparados para mancharnos, e guiados por Taboada plantamos as nosas primeiras leitugas e enchemos unhas bandexas con Turba, para poder botar sementes.

O proceso non é tan complicado:
cando nós chegamos vimos o traballo que xa fixeran as nenas e nenos de tres anos, e nós continuamos onde o deixaran.

1º Botamos abono de cabalo e tapámolo

2º fixemos os buratos para as plantas

3º colocamos e tapamos as plantas de leitugas nos buratos

agora temos que ir cada 2 días coidar a nosa plantación

este próximo venres, botaremos sementes nas bandexas, para ver o prceso completo que segue unha planta.

estamos moi ilusionados, porque ademáis de mancharnos estamos aprendendo moitas plabras que non coñeciamos.

CHEGOUNOS UN MAIL E UNHA CARTA!!

2008-02-26T12:23:00.003Z

O outro día chegounos un e-mail da profe MariCarmen, esta porfe estivo na aula no mes de outubro, agora está en Tui e lembrouse nós. Fíxonos moitísima ilusión ter noticias dela.
agora mesmo, xa lle escribiron tódolos nenos e nenas unha carta na computadora. agora so queda que lla mandemos dende unha conta de correo que deberemos crear entre todas e todos, e que faremos nesta semana na sala dé informática.

Ó día seguinte, sorprendentemente, chegounos un gran sobre decorado por correo tradicional.
Ó abrilo vimos que era duns nenos e nenas que están nun colexio moi lonxe de nós, pero que están interesados en facerse nosos amigos. mandáronnos un mapa de Galiza, e puidemos comprobar ó separados que están de nós.

e agora nós estamos contestándolle, dándolle datos por se queren saber máis da nosa comarca.
Os nenos e nenas están moi motivados, e encantoulles ver que a carta estaba dirixida a toda a aula e non a profe.
moitas grazas ángela! esperamos non defraudarvos coa resposta!

e de qué nos disfrazamos???

2008-02-03T17:18:00.000Z

Despois de moito esperar chegou o entroido

Disfrazámonos de licenciados, estabamos guapísimos!!!!!!

mirade un pequeno exemplo:

Unha vez disfrazados fomos ó ximnasio, e disfrutamos do día xunto con outros nenos e nenas de educación infantil e primaria.

levamos filloas e orellas da casa e alí compartimos todo.

como era tanta comida, convidamos tamén o resto do alumnado de educación primaria que non estaban con nós.

Que viva o entroido!!!

Viva o entroido!!!

2008-01-26T22:35:00.000Z

o próximo día 1 de febreiro xa é o entroido.

e por iso xa dias antes estamos preparándonos para tan grande festa.

estamos construíndo os disfraces que luciremos o venres no colexio. de momento é un segredo, e en canto nos vistamos e saquemos as fotos xa nos veredes.

a disfrutar da festa do entroido

que VIVA O ENTROIDO!!!!

A PAZ

2008-01-26T22:02:00.000Z

O 30 de xaneiro de 1948, mentras "Mahatma" Gandhi se dirixía ó seu habitual rezo da tarde foi asasinado por Vinayak Nathura Godse, miembro dun grupo extremista hindú.
Pola importancia de Gandhi no camiño cara outro mundo posíbel esa data fue elexida polas Nacións Unidas como o día mundial para conmemorar o Día da Paz.

Nós ás portas de celebrar tal conmemoración, xa empezamos a traballar na aula este tema.
Na asamblea diaria tivemos unha grande conversa sobre todo o que sabemos do tema, que é moito! Resaltamos a importancia de convivir harmónicamente, e de rexeitar todo tipo de violencia.

pregunteilles se coñecían algçun símbolo de paz. e todos e todas se referiron á pomba branca.

Despois vimos varios tipos de pombas, e por fin pintamos "La paloma de la paz" de Pablo Picasso

E falando deste autor, vimos outro cadro: o "Guernica"

Vimos as características do cadro e cada unha das imaxes que se aprecian, entre outras cousas vimos:

- un touro berrando

- unha mamá cun bebé enfermo

- unha bombilla rota

- un cabalo berrando

- unha persoa tirada no chan pisada polo cabalo

- unha persoa escapando...

e como queriamos darlle máis vida, coloreamos o cadro con cores moito máis vivas, e quedounos así:

O LOBO

2008-01-17T10:07:00.001Z

Levamos unha semana traballando o "lobo"

Estamos moi motivados.

e para organizar todo, todo, seguimos uns pasos:

1º miramos o que sabemos do lobo, e escribimolo no encerado que creamos para este momento

2º preguntámonos que era o que queriamos aprender deste animal

3º pedimos a colaboración das familias na busca de información

4º recopilamos toda a información e clasificámola, segundo a procedencia

5º estudiámola segundo as preguntas que tiñamos formuladas

6º xuntaremos todo e faremos un libro sobre o "LOBO"

Comezamos!!

2008-01-10T10:04:00.000Z

Xa está!! comezou o ano 2008 e tamén as aulas.
Chegamos con moitas ganas todas e todos.
Ó chegar tivemos unha grande sorpresa na aula: os Reis Magos pasaron polo colexio e deixáronnos moitos xoguetes: cociña, cuna, carriño de bebés, parking, taller mecánico, encerado magnético...

Tamén lembramos todo o que nos deixaron os Reis Magos nas casas, debuxámolo e tamén o escribimos.

E comezamos a traballar cun novo método de traballo.
Estamos estudando o "LOBO"
a ver q nos sae.

FELIZ ANO 2008!!!!

2008-01-06T20:27:00.001Z

AGORA SI QUE COMEZAMOS UN NOVO ANO,

Xa con moitas ganas de comezar este segundo trimestre. e sobretodo ver o que nos trouxeron os Reis Magos á clase.

Seguirán cambiando algunhas cousas dentro desas 4 paredes, pero espero que sexa para mellor

os meus mellores desexos para todas e todos este novo ano!!!

BO NADAL!!!

2008-01-06T20:05:00.000Z

Antes de dar paso ó segundo trimestre quería pechar o primeiro poñendo unhas imaxes:

Decoramos unha árbore de nadal, xunto cos nenos e nenas das outras aulas. Ós de 5 anos tocounos recortar folios verdes para simular as follas da árbore, e quedounos así de chulo!!

Un día trouxemnos da casa produtos típicos de nadal, xuntámolos todos, escribimoslle o nome, comparámolos, compartímolos e comémolos, ummmm!! estaban boísimos (polvoróns, turrón duro, turrón brando, turrón de chocolate, bombóns, mazapáns, galletas, roscos de viño, noces, avelás, cacahuetes, améndoas doces, 1 mazá, uvas pasas...) pero a profe esqueceuse da cámara de fotos e agora non o podemos subir ó blog....

fixemos unha portada para encadernar os nosos traballos, e quedounos bastante bonita, mirade:

Escribímoslle a carta aos Reis Magos e o día do festival, viñeron recoller toda a correspondencia ó noso cole, e déronnos caramelos

Ese día tamén actuamos no festival que organizaron os profes e as profes, cantamos a panxoliña: "Jingle Bells", ensaiamos coa Teacher, e coas nenas e nenos das outras aulas de Infantil

BO NADAL

2007-12-22T21:11:00.000Z

Despois dun mes sen poder dicir nada do que fixemos, hoxe imos poñernos ó día.

Ó non ter internet no pavillón de educación infantil, é bastante complicado ter un blog actualizado diariamente. Pero unha vez que o poñan tentaremos publicar máis frecuentemente.

Dende a miña incorporación xa fixemos moitas cousas.
A entrada foi un pouco dura pola miña parte. De repente vinme nun novo centro, novas compañeiras e compañeiros, nova vila... e un grupo de 20 personiñas mirando expectantes para min, pensando: “canto tempo estará con nós, esta profe!!” e ademais dixeronme: “ti non pareces profesora!”
Ante este panorama comecei.
Grazas as compañeiras, pronto me afixen ó centro e as súas normas. E na aula... cuns poucos días xa me afixen a elas e eles, aceptáronme máis rápido do que pensaba, o cal foi moi gratificante. O único que aínda non “conseguín” é que traballen moito máis.

Cambiei cousas da aula para adaptala as necesidades dos nenos e nenas de 5 anos. Agora temos:
Zona de traballo
Zona de asemblea
Zona de recunchos:
- Recuncho do xogo simbólico
- Recuncho de construcións
- Recuncho de informática
Zona de exposición de traballos, experiencias...

Todas as zonas están equipadas, pero con material deteriorado na maior parte. Por iso lle escribimos aos Reis Magos, esperando que nos traian cousiñas.

A estruturación temporal tamén cambiou un pouco. Todo o tempo témolo dividido en rutinas, e están adaptadas ás aulas de inglés, música e psicomotricidade. Pero de xeito xeral un día normal na nosa aula é:

09.45:Rutinas de entrada:
Acompañamento ata a aula
Posta de mandilón
Asemblea diaria

Rutinas de traballo
Explicación da tarefa
Reparto do material
Traballo
Recollida do material

Rutina da merenda (ás veces)

11.25: Recreo

Rutina de traballo
Explicación da tarefa
Reparto do material
Traballo
Recollida do material

13.20: Rutinas de saída
Posta do abrigo

13.30: Comida

15.25: Rutinas de entrada
Posta do mandilón

Rutinas de traballo

Rutinas de xogo

Rutinas de saída
Repaso do aprendido
Posta de abrigos
Despedida

17.30: Saída

E con este novo plano de traballo xa fixemos moitas cousas.

Cando comecei estaban traballando a unidade didáctica do outono.

Ademais de facer as actividades gráficas do método, fixemos outras cousiñas:

Os nenos e nenas trouxeron froitos típicos do outono. Presentámolos, dixemos o nome, tocámolos, ulímolos, debuxámolos e escribimos o nome, ah! Tamén os probamos!!

Logo fixemos unha exposición de produtos.

Tamén aprendemos moitas poesías do outono para facer “o libro do outono”

Estudamos as árbores de folla perenne e caduca, contamos o conto do “paxariño ferido” miramos cales son as árbores que axudaron a este animal e cales non. Miramos cales tiñamos no patio, e saímos a coller follas. Na aula cada un ensinou as que tiña, clasificámolas, e pegámolas nuns folios para recoller o que experimentamos.

O comezo

2007-12-02T22:45:00.000Z

Dende hoxe e ata o fin do curso, tentarei reflexar neste blog o que vou facendo cas nenas e nenos da miña aula.
A pesares de miña tardía incorporación, a estas alturas, xa nos coñecemos ben, e estamos aprendendo moito.